Avslutning for tannpleiarar som tar vidareutdanning på deltid ved Høyskolen Sørøst Norge

Det var ein verdig, vemodig og morsom avslutning i dag, for 20 studentar som tar 60 sp i tannpleie og helsefremmende arbeid. Entusiastiske studentar og entusiastiske lærarar tok farvel etter 2 års studie. Alle uttrykte ein felles oppfatning at det har vore eit utruleg lærerikt studie, og ikkje minst har desse tannpleiarane vore spesielt dyktige studentar, iflg høgskulen.

Studiet starta opp i januar 2016, og det første kull av studentar er no klar for å nytta sin kunnskap overfor pasientar og samarbeidspartnarar i den offentlege og private tannhelsetenesta.

Studiet vil gi tannpleiarar auka innsikt og forståing for utfordringar i samfunnet knytta til utjamning av sosiale ulikskap, migrasjon og helse, og ulike grupper av barn, ungdom og vaksne i risikosituasjonar. Auka kunnskap om helsefremming vil gi tannpleiarane kompetanse til å styrke folket si eigenkontroll, meistring og sjølvstendigheit knytta til eiga helse og utfordingar i tannhelse. Gjennom dette studiet har tannpleiarane fått kompetanseheving og opparbeida ein klarare yrkesidentitet. Samtidig bidreg studiet til ein auka del tannpleiarar med spesialkompetanse i privat og offentleg tannhelseteneste, ved utdanningsinstitusjonane, i kommunane og spesialisthelsetenesta.

Norsk Tannpleierforeining gratulerer med vidareutdanninga, og ser fram til at 7 av studentane går vidare mot ein mastergrad. Det kan resultera i at fleire tannpleiarar byrjar med forsking som vil styrkja tannpleiefaget, og vil vera innfallsport til nye fagområder. Tusen takk også til høgskulen som har lagt vel til rette for studentane, og valte å satsa på dette pionerstudiet for tannpleiarar.