Kjære tannpleiarar! 

Vi blir alle påverka på ulik vis av den uverkelege situasjonen by, land, nasjon og verden er i. Tannpleiarane er blant yrkesgruppene som kjenner på dei samfunnsmessige omsyn som må takast, for å unngå å bli smitta og å redusera spreiing av smitte.

Som helsepersonell, så forventar NTpF og tannpleiarane av kvarandre, at nødvendig samfunnsansvaret blir tatt, og at råd frå helsemyndigheiter og frå Tannpleierforeininga, blir følgt opp. Det er kunn akutt og nødvendig tannbehandling det blir gitt tilbod om. Dette gir økonomisk utfordringar for dykk som er sjølvstendig næringsdrivande, men samfunnet sine interesser er førande.

Styre og administrasjon jobbar kontinuerleg med saker som er konsekvensar av koronavirus og som påverkar yrkesgruppa og samfunn. NTpF gjekk sist fredag ut og informerte at tannbehandling som kunne utsetjast, vart utsatt. Søndag kveld kom det melding frå Helsedirektoratet om stenging av alle verksemder som ytte ikkje-akutte helsetenester. Tannpleierforeininga er i dialog med Delta, helsemyndigheiter og tannlegeforeininga.

NTpF har sendt brev med innspel til finanskomiteen og helse- og omsorgskomiteen om den økonomiske situasjonen for tannpleiarar som er sjølvstendig næringsdrivande. Det er sendt felles brev til Helse- og omsorgsdepartement frå tre foreiningar som organiserer helsepersonell i Delta. Saka gjeld situasjonen for yrkesgrupper som står utan inntekt i dagane før sikring av inntekt har starta. Tannpleierforeininga tar dugnad overfor dei som står utan inntekt 16 dagar fram i tid, og det er sendt ut mail til alle sjølvstendige næringsdrivande om gratis kontingent i april og mai.

Det er stort behov hos medlemmene om å bli orientert. NTpF har følgt opp og organisert aktuell informasjon, og formidla den stort sett gjennom Tannpleiernes medlemsgruppe på facebook og på tannpleier.no, medlemsside. Det er mange e-postar, og mange spørsmål på facebook-sida.

Foreininga har avlyst arrangement i tråd med vedtak i Delta sitt hovudstyre. Avlyste arrangement som lokaledarsamlinga sist veke, samling av 3. års studentar ved Høgskulen Innlandet og ved UiO, arrangement i regi av lokalavdelingane. For tida blir det jobba med fagkonferansen på Lillehammer. Styret har vurdert at det diverre er stor sjanse for avlysing av Fagkonferansen 2020. Her vil det koma nærmare orientering.

Takk medlemmer, for at de tar ansvar og held motet oppe. Vi står saman som kollegaer og medmenneske i ei nasjonal og internasjonal krise. Vi kan alle bidra i dugnaden!

Helsing Hilde Aga
Leiar i Norsk Tannpleierforening